Banksjef Per Olaf Persen og rådgiver Margget Smuk utenfor SpareBank 1 Nord-Norge i Tana.

Servodathuksen sámegielaide

ON álgoálbmogiid giellajahki oktavuođas bidjá SeastinBáŋku 1 – Davvi-Norga gitta 1 miljovnna kruvnnu prošeavttaide mat nannejit sámi gielaid.

ON lea mearridan ahte 2019 galgá leat máilmmiviidosaš álgoálbmogiid giellajahki. Dan oktavuođas bidjá Davvi-Norgga SeastinBáŋku 1 gitta 1 miljovnna kruvnnu prošeavttaide mat váikkuhit ahte sámi gielat sáhttet leat ealli ja lunddolaš gielat servodagas. Dát prošeavttat šaddet leat oassin Servodathuksemis, SeastinBáŋku 1 – Davvi-Norgga strategiijas servvodatsállašis boahttevaš jagiide.

Les saken på norsk: Samfunnsløft for samiske språk

– Servodatlokten galgá iešguđet láhkai doaibmat nu ahte nanne identitehta ja gullevašvuođa davvin. Giella lea guovddáš elemeanta das, ja ollosiidda Davvi-Norggas guoská dat ovtta min sámegielaide, lohká konseardna direktevra Trond Hanssen SeastinBáŋku 1 – Davvi-Norggas.

Dáhttu ohcamušaid

Hanssen ii háliit defineret mat prošeavttat dagahit buoremus loktema daid iešguđetge sámegielaide, muhto ávžžuha dan sadjái iešguđetge doibmiid ohcat doarjaga ja nu searvat Servodathuksemii.

– Mii diehtit ahte muhtumat háliidit buktit ovdan sámegiela litteratuvrra mánáide ja nuoraide, dahje geahččalit sámi giellalávguma nannen dihtii oadjebas giellageavaheddjiid. Muhtumat fas jorgalit fágagiela, nu ahte dat geat háliidit, sáhttet geavahit iežaset giela máŋgga fáttás ja ollu arenain servodagas. Dát leat beare muhtun ovdamearkkat, ja dat gávdnojit olu eanet miellagiddevaš initiatiivva, ja dieđusge digitála, lohká Hanssen.

Báikkálaš searat

Cuoŋománus bivddii SeastinBaŋkku 1 Davvi-Norga ássiid Davvi-Norggas buktit árvalusaid mot geavahit bealle millijovnna kruvnno ovddidahttit Davvi-Norgga. Das rájes mii leat lohkan ja analyseren 10.000 vástádusa. Nu leat dat šaddan oassin Servodathuksemis, strategiija mii álmmuhuvvui diimmá čavčča. Seammás rabai SeastinBaŋkku 1 Davvi-Norga ohccánportála buohkaide geat háliidit ruhtadoarjaga ohccát, ja dainna lágiin searvat Servodathuksemii.

– Dat ledje guovllu návccat mat álggahedje seastinbáŋkkuid, gos badjebáza galggai máhcat ruovttoluotta servvodahkii. Servvodatsállaša mii boahtá Davvi Norga SeastinBáŋkkus lea boađus das go servvodagas lea ain dat stuorámus oassi báŋkkus, ja dien láhkai ain oažžu stuorámus oasi sállašis. Dál leat guovllu návccat, ideat, ja višuvnnat mat ovttas galget strategiijaid ollašuhttit. Danin mun doaivvun ahte iešguđetlágan aktevrrat geavahit vejolašvuođa háleštit gaskkaneaset ja minguin mot dat strategiija maiddái sáhttá nannet identitehta ja gullevašvuođa daid iešguđetge sámegielaid bokte, nu dadjá Hanssen.